Futbol üzrə Avropa Liqasının 1/16 final mərhələsi çərçivəsində Norveçdə keçirilməli olan "Molde" – "Hoffenhaym" matçının yeri dəyişdirilib.
 
Matc.az xəbər verir ki, bu barədə UEFA-nın mətbuat xidməti məlumat yayıb. Yeni qərara əsasən, qarşılaşma İspaniyada keçiriləcək.
 
Qitə futbol qurumunun belə qərar verməsinin səbəbi koronavirus pandemiyasının yaratdığı problemlərdir. Pandemiya ilə əlaqədar Norveç və Almaniya arasındakı beynəlxalq uçuşlara məhdudiyyətlər qoyulub.
 
Qarşılaşma fevralın 18-də, Vilyarreal şəhərindəki "Seramika" stadionunda keçiriləcək.

XƏBƏRİ PAYLAŞ
  • gplus
  • pinterest