07 May 2021, 18:29

Futbol üzrə Gürcüstan çempionatında 12-ci turun oyunları keçirilir.
 
Matc.az xəbər verir ki, azərbaycanlı yarımmüdafiəçi Vüqar Bəybalayevin formasını geyindiyi "Telavi" də növbəti matçına çıxıb.
 
Sözügedən kollektiv səfərdə "Samqurali" ilə qarşılaşıb. Futbolçumuzun komandası bu oyundan heç-heçə ilə ayrılıb - 1:1.
 
Vüqar da bu görüşün iştirakçısı olub. 27 yaşlı futbolçu start heyətdə meydana çıxıb və 59-cu dəqiqədə əvəzlənib. O, 58-ci dəqiqədə sarı vərəqə ilə də cəzalanıb.
 
Qeyd edək ki, "Telavi" cari mövsümdə keçirdiyi 12 oyunda cəmi 8 xal toplayıb və 10 iştirakçı arasında 9-cu pillədə qərarlaşıb.

XƏBƏRİ PAYLAŞ
  • gplus
  • pinterest