03 Avqust 2021, 15:41
DÖYÜŞ NÖVLƏRİ

Azərbaycanın yunan-Roma güləşçisi Rafiq Hüseynov (77 kq) Tokio-2020 Yay Olimpiya Oyunlarında bürünc medal qazanması barədə fikirlərini bölüşüb.

Azərbaycanın yunan-Roma güləşçisi Rafiq Hüseynov (77 kq) Tokio-2020 Yay Olimpiya Oyunlarında bürünc medal qazanması barədə fikirlərini bölüşüb. Matc.az xəbər verir ki, 3-cü yer uğrunda görüşdə Ermənistan təmsilçisi Karapet çalyana qalib gələn Avropa çempionu rəqiblərinə fərq qoymadığını bildirib:
 
"Bu, idmanda düzgün yanaşma deyil. Ermənini udanda qəhrəman olursan. Onda belə çıxır ki, uduzanda gərək, xalq düşməni olasan. Əsas odur ki, medal qazanmışam. Mənim üçün bundan böyük qələbə yoxdur. Bu, atamın qələbəsidir.
 
çox sevinirəm ki, nəhayət, olimpiya medalını aldım. çoxdankı arzum idi. Bilirsiniz ki, bütün medallarım var idi. Hər dəfə bir şey olurdu, iştirak edə bilmirdim. Şadam ki, bu dəfə lisenziya qazandım və olimpiadaya qatılıb, medal qazandım.
 
Son dünya ikincisi isveçli Aleks Kessidislə qarşılaşdım. Olimpiya oyunlarının qaydalarına əsasən, 1/8 finaldan dərhal sonra 1/4 final görüşü başlayır. Döşəkdən çıxdım, 3 qarşılaşmadan sonra yenə qayıtdım. İkinci rəqibim olan qırğızıstanlı Akjol Mahmudov da zəif deyildi. Bərpa oluna bilmədim. Onun ilk görüşü yüngül idi. Dünənki görüşlərim istədiyim kimi alınmadı. Bu gün səhvimi düzəltməyə çalışdım.
 
Bürünc medal "qızıl"ın yerini vermir. Amma əsas odur ki, komandaya medal qazandırdım. Bilirsiniz ki, güləşçilərdən çox şey gözləyirlər. "Ağır artileriya"mız öndədir. Millət necə deyirsə, xüsusi təyinatlılarımızın görüşləri hələ qarşıdadır. Hacı Əliyev, Şərif Şərifov, Turan Bayramov, Mariya Stadnikin də medal qazanmalarını gözləyəcəyik".

XƏBƏRİ PAYLAŞ
  • gplus
  • pinterest