07 Avqust 2021, 19:15
DÖYÜŞ NÖVLƏRİ

"Bilirəm ki, bütün Azərbaycan məndən qızıl medal gözləyirdi. Mənə yazırdılar. Dəstəyiniz üçün çox sağ olun və bağışlayın"

"İlk olaraq, cənab Prezidentdən üzr istəyirəm. Bilirdim ki, qızıl ala biləcək sonuncu idmançı idim və buna çox az qalmışdı". Matc.az xəbər verir ki, bunu Tokio-2020 Yay Olimpiya Oyunlarının karate üzrə gümüş mükafatçısı İrina Zaretska (+61 kq) deyib.
 
Finalda misirli Feryal Abdelazizə 0:2 hesabı ilə uduzan dünya və Avropa çempionu "qızıl" qazana bilmədiyi üçün təəssüf hissi keçirdiyini bildirib. Göz yaşlarını saxlaya bilməyən 25 yaşlı idmançı qələbə üçün 1 saniyəsi çatmadığını söyləyib: "Sözün əsl mənasında mənə 1 saniyə yetmədi. İndi anlayıram ki, bu, necə vacib idi. Mənə dəstək olan hər kəsə təşəkkür edirəm. Bilirəm ki, bütün Azərbaycan məndən qızıl medal gözləyirdi. Mənə yazırdılar. Dəstəyiniz üçün çox sağ olun və bağışlayın".
 
Qeyd edək ki, Azərbaycan idmançıları Tokio 2020-də çıxışlarını başa vurub. Olimpiadaya 44 idmançı ilə qatılan komandamız yarışları 3 gümüş, 4 bürünc medalla başa vurub. Olimpiya Oyunlarına sabah - avqustun 8-də yekun vurulacaq.
 

XƏBƏRİ PAYLAŞ
  • gplus
  • pinterest