Türkiyənin "Beşiktaş" klubu heyətini yeni futbolçu ilə gücləndirib. Matc.az xəbər verir ki, Super Liqa təmsilçisi İngiltərənin "çelsi" klubunun hücumçusu Mişi Batşuayini heyətinə cəlb edib.
Bu barədə İstanbul klubunun mətbuat xidməti məlumat yayıb. 27 yaşlı futbolçu London klubundan 1 illik icarəyə götürülüb.
Belçika yığmasının da üzvü olan hücumçu 2016-cı ildən "çelsi"də çıxış edir. Londonlular onu daha öncə "Borussiya" (Dortmund), "Valensiya" və "Kristal Pelas" klublarına da icarəyə vermişdi. Mişi, Belçika yığmasında meydana çıxdığı 35 matçda 22 qolla yadda qalıb.
"Beşiktaş" öz oyunçularından Adem Lyayiçlə də bağlı gözlənilməz qərar qəbul edib. Belə ki, məşqçilər korpusunun qərarına əsasən, serbiyalı yarımmüdafiəçi əsas komandadan kənarlaşdırılıb. Buna onun hələ ötən mövsümdə də rast gəlinən intizamsız davranışları səbəb göstərilib. Bundan sonra fərdi şəkildə məşq edəcək 29 yaşlı futbolçuya özünə yeni klub tapmaq tapşırılıb.
Lyayiç "Beşiktaş"a 2018-ci ildə "Torino"dan icarə əsasında gəlmişdi. İstanbul klubu 2019-cu ildə 6.5 milyon avro ödəyərək serbiyalı oyunçunu birdəfəlik transfer etmişdi. Klubla daha bir il müqaviləsi qalan yarımmüdafiəçinin illik məvacibi 3.2 milyon avrodur.
XƏBƏRİ PAYLAŞ
Xəbərlər
“Qarabağ” kənar şəxslərin qurbanı oldu
AFFA klubları cəzalandırdı
FİFA və UEFA İspaniya komandalarına sanksiya
“Turan Tovuz” 2300 manat cərimələndi
Stadion yaxınlığından 500 kiloqramlıq bomba
Bir həştəqin yaşıl meydandakı təcəssümü
Almanlar “Bavariya”ya baş məşqçi tapdı
“Sabah”ın rəqibi nə vaxt bilinəcək?
Rakitiç: Bəlkə də qalib gəlməkdən yorulmuşduq
“Neftçi”nin hücumçusu ilə bağlı qərar
Samir Abasov “Barselona”nın prezidenti ilə
