Futbol üzrə Almaniya Bundesliqasının 11-ci turunda "Bayern" "Frayburq"u 2:1 hesabıyla məğlub edib. Matc.az xəbər verir ki, Münhen təmsilçisi bu nəticəylə turnirin 44 illik rekordunu təkrarlayıb.
Belə ki, "Bayern" 2021-ci ildə çempionat oyunlarında artıq 100 qol vurub. İlin sonuna qədər hələ xeyli oyun keçirəcəyini nəzərə alsaq, bu komandanın rekordunu yeniləyəcəyi şübhə doğurmur.
Xatırladaq ki, sonuncu dəfə 1977-ci ildə "Köln" komandası çempionat oyunlarında bir təqvim ilində 100 qol vurmağı bacarmışdı.
"Bayern" bu mövsüm Bundesliqada keçirdiyi 11 oyunda 40 qol vurub.