05 Avqust 2022, 09:46

"Çətin olsa da, hər şey cavab görüşü üçün hələ də açıq qalır. Evə, iki cavabsız top buraxaraq dönmək çox məyusedici olardı"

"İlk yarıda pis çıxış etdik, futbol oynamağa cəhd etmədik". Matc.az xəbər verir ki, bunu Avstriyanın "Rapid" (Vyana) klubunun futbolçusu Qvido Burqştaller Bakıda "Neftçi"yə 1:2 hesabı ilə uduzduqları UEFA Konfrans Liqasının III təsnifat mərhələsinin ilk oyunundan sonra deyib.
 
Uzatma dəqiqələrində komandasının təsəlli qoluna imza atan 33 yaşlı hücumçunun fikrincə, Vyanaya 0:2 hesablı məğlubiyyətlə qayıtmaq çox üzücü olardı: "Fasilədən sonra "Neftçi" səhvimizdən yararlanaraq, ikinci topu vurdu. Görüşün sonlarındakı təsəlli qolu bizim üçün çox vacib idi. çətin olsa da, hər şey cavab görüşü üçün hələ də açıq qalır. Evə, iki cavabsız top buraxaraq dönmək çox məyusedici olardı. Hər zaman belə bədbəxt hallarla üzləşmişik. Sevinirik ki, uzatma dəqiqələrində qol vurduq. Bu, çox vacib idi".
 
Burqştaller avqustun 11-də keçiriləcək cavab oyununda yaxşı oyun sərgiləmələrinin vacibliyini dilə gətirib: "Bilirik ki, bunu edə bilərik".
 

XƏBƏRİ PAYLAŞ
  • gplus
  • pinterest