05 Avqust 2022, 19:08

Türkiyənin "Qalatasaray" klubu yarımmüdafiəçisi Olimpiu Morutan ilə yollarını ayırıb. Matc.az xəbər verir ki, Rumıniyadan olan 23 yaşlı vinger İtaliyanın "Piza" klubuna keçib.
 
Bu barədə sözügedən klubları rəsmi saytları vasitəsilə məlumat yayıblar. Rumıniya yığmasının üzvü 2022/23 mövsümünün sonuna qədər B Seriyası təmsilçisində forma geyinəcək. "Piza" bir mövsümlük icarə üçün "Qalatasaray"a 150 min avro ödəyəcək. Müqavilədə satınalma şərti də var. "Piza" mövsümün sonuna kimi yarımmüdafiəçini birdəfəlik almaq istəsə, İstanbul klubuna əlavə 5.5 milyon avro ödəməlidir.
 
Olimpiu Morutan 2021-ci ilin avqustunda Rumıniyanın "Styaua" (Buxarest) klubundan "Qalatasaray"a transfer olunmuşdu. O, İstanbul təmsilçisində meydana çıxdığı 33 oyunda 3 qol və 5 məhsuldar ötürmə müəllifi olub. Rumıniya yığmasında 3 oyun keçirmiş vinger, əvvəllər "Botoşani" və "Universitatya" (Kluj) klublarında da çıxış edib.
 
"Qalatasaray" gənc oyunçusu Süleyman Luşu da "Tuzlaspor"a icarəyə verib. O da 2022/23 mövsümünün sonuna kimi icarədə çıxış edəcək. 21 yaşlı futbolçu ötən mövsümü də 1-ci Liqa təmsilçisi "Bandırmaspor"da icarədə keçirib. O, 14 çempionat, 4 Türkiyə Kuboku maçında forma geyinib.
 
İstanbul klubu daha bir gənc oyunçusu Sarper çağları da "Hatayspor"a satıb. Hatay klubunun bu keçidə görə nə qədər təzminat ödədiyi açıqlanmasa da, 19 yaşlı sol cinah vingeri ilə 4 illik müqavilə imzalanıb.

XƏBƏRİ PAYLAŞ
  • gplus
  • pinterest