Paris-2024 Yay Olimpiya Oyunlarının medalçıları ilə bağlı dəyişiklik olub. Matc.az xəbər verir ki, atletika yarışlarında qadınların 5000 m məsafəyə qaçışında gümüş və bürünc mükafatın sahibi ilə bağlı yeni qərar verilib.

Buna ikiqat olimpiya və dördqat dünya çempionu Fait Çepnqetiç Kipyeqonun (Keniya) diskvalifikasiyasının ləğvi səbəb olub. O, Paris-2024-də ikinci yeri tutsa da, finişə iki dövrə qalmış efiopiyalı Qufaf Seqayın əlindən tutduğu üçün nəticələri ləğv edilmişdi. Nəticədə gümüş medal Sifan Hassana (Niderland), “bürünc” isə Nadia Battoklettiyə (İtaliya) təqdim olunmuşdu.

Lakin sonradan Keniya idmançısının cəzası ləğv edilib. Bundan sonra isə Kipyeqon 2-ci, Hassan 3-cü olub, Battokletti medalsız qalıb.