O, statusuna görə 6-cı liqa sayılan Reyna Liqasında çıxış edəcək.

"Qarabağ"ın sabiq futbolçusu Donald Gerye özünə yeni komanda tapıb. Matc.az xəbər verir ki, haitili müdafiəçi karyerasını Almaniyada davam etdirəcək.

Belə ki, o, statusuna görə 6-cı liqa sayılan Reyna Liqasında çıxış edəcək. Gerye bu liqada mübarizə aparan "Kosmos Koblenz"ə keçib. Tərəflər arasında 2025-ci ilin iyununa qədər nəzərdə tutulmuş müqavilə imzalanıb.

Qeyd edək ki, Gerye ölkəmizdə “Qarabağ”la yanaşı, “Neftçi” və “Zirə” klublarında da oynayıb.