"Lill"in qapıçısı Luka Şevalye "Barselona"nın gələn yay transfer hədəfində olan əsas namizədlərdən biri hesab olunur.

Matc.az xəbər verir ki, bu barədə "Diario Sport" məlumat yayıb.

Bildirilir ki, "Barselona" 22 yaşlı fransalı qapıçını ötən mövsümdən, "Lill"in Çempionlar Liqasına vəsiqə qazandığı vaxtdan izləyir. Kataloniya klubu mümkün transfer danışıqları ilə bağlı bəzi detalları öyrənmək üçün artıq ilk addımları atıb.

"Barselona" Ter Ştegenin zədələnməsi və İnyaki Penanın inamsız çıxışından sonra qapıçılar üçün transfer bazarına diqqətini artırıb.

Qeyd edək ki, cari mövsümdə 22 yaşlı qapıçı bütün turnirlərdə 17 matçda iştirak edib, bunun yeddisində qapını toxunulmaz saxlayıb. "Transfermarkt" portalında qolkiperin bazar dəyəri 25 milyon avrodur.