"Yuventus"un müdafiəçisi Andrea Kambiaso yayda "Liverpul"a keçə bilər.

Matc.az xəbər verir ki, bu barədə məlumatı "La Gazzetta dello Sport" paylaşıb.

İngilis klubu 25 yaşlı müdafiəçiyə "Real"a keçmək ehtimalı olan Trent Aleksander-Arnoldun əvəzləyicisi kimi baxır.

Xatırladaq ki, Kambiaso 2022-ci ildən "qoca sinyora"da çıxış edir və müqaviləsi 2029-cu ilin yayına kimi nəzərdə tutulub. Futbolçunun təxmini transfer dəyəri 40 milyon avrodur.

Bu mövsüm Kambiaso "Yuventus"un heyətində bütün turnirlərdə 35 oyun keçirib, 2 qol vurub və 3 məhsuldar ötürmə edib.