"Liverpul"un futbolçusu Federiko Kyeza ölkəsinə qayıtmağa yaxındır.

Matc.az xəbər verir ki, bu barədə tanınmış insayder Fabritsio Romano məlumat yayıb.

"Napoli" italyan vingeri transfer etməyə çalışır. Neapol təmsilçisinin baş məşqçisi Antonio Konte Kyezanı komandasında görmək istəyir. 27 yaşlı futbolçunun özünün də istəyi A Seriyasına qayıtmaqdır.

Qeyd edək ki, "Liverpul" Federiko Kyezanı ötən ilin yayında "Yuventus"dan transfer edib. İtaliya millisinin üzvü "qırmızılar"ın heyətində keçirdiyi 14 oyunda 2 qol vurub, 2 qol ötürməsi edib.