“Ayntraxt” “Elversberq”dən hücumçu Yunes Ebnutalibi transfer edib.

Matc.az xəbər verir ki, bu barədə “qartallar”ın rəsmi saytı məlumat yayıb.

Frankfurt təmsilçisi almaniyalı forvardla 2031-ci ilin iyun ayınadək nəzərdə tutulan müqavilə imzalayıb. 22 yaşlı futbolçu gələn il yanvarın 1-də yeni komandasına qoşulacaq.

Almaniya KİV-lərinin məlumatına görə, transferin məbləği 8 milyon avro təşkil edib. Əlavə olaraq 1 milyon avro bonuslar da nəzərdə tutulub.

Qeyd edək ki, Yunes Ebnutalib bu mövsüm II Bundesliqa­nın bombardiridir. O, 17 oyunda 12 qol vurub.