"Volfsburq" Niderlandın NEK klubunun hücumçusu Kento Şioqayı heyətinə qatıb.

Matc.az xəbər verir ki, bu barədə klubun mətbuat xidməti məlumat yayıb.

Bildirilir ki, 20 yaşlı yapon hücumçu ilə 30 iyun 2030-cu ilə qədər müqavilə imzalanıb. O, yeni klubunda 7 nömrəli formanı geyinəcək.

Müqavilənin maliyyə təfərrüatları açıqlanmayıb. Alman klubu oyunçunun 10 milyon avro dəyərində olan sərbəst qalma bəndini aktivləşdirib.

Qeyd edək ki, Şioqay 2024-cü ilin yayında NEK-ə azad agent kimi qoşulub. O, klubun heyətində bütün yarışlarda 42 oyuna çıxıb, 14 qol vurub və 1 məhsuldar ötürmə edib.