Futbol üzrə Avropa çempionatı (Aç-2020) davam edir. Matc.az xəbər verir ki, bu gün qitə birinciliyinin qrup mərhələsi çərçivəsində daha üç qarşılaşma baş tutub.

Əvvəlcə F qrupu çərçivəsində Macarıstan və Fransa yığmaları üz-üzə gəlib. Fransa bu oyundan qalib ayrılsa, 1/8 finala vəsiqəni təmin edəcəkdi. Amma görüş heç-heçə yekunlaşıb.

Qrupun digər matçında Portuqaliya və Almaniya yığmaları qarşılaşıb. Portuqaliya da qalib gəlsə, növbəti mərhələyə vəsiqə qazanacaqdı. Amma matç almanların qələbəsiylə bitib.

İkinci turun son matçı isə İspaniya və Polşa yığmaları arasında baş tutub. Bu görüş də heç-heçə yekunlaşıb.

Xatırladaq ki, iki turdan sonra İtaliya, Belçika və Niderland yığmaları artıq 1/8 finala vəsiqə qazanıb.

Avropa çempionatı
19 iyun

F qrupu

Macarıstan – Fransa 1:1
Qol: A.Fiola, 45+2 – A.Qrizmann, 66.
Baş hakim: Maykl Oliver (İngiltərə).
Budapeşt. "Puşkaş Arena".

Macarıstan: 1. Peter Qulaçi, 4. Attila Salai, 5. Attila Fiola, 6. Villi Orban, 7. Loik Neqo, 8. Adam Naqi, 9. Adam Salai (k), 13. Andras Şafer, 15. Laslo Klaynhaysler, 20. Roland Sallai, 21. Endre Botka.
Fransa: 1. üqo Lyoris (k), 2. Benjamin Pavar, 3. Presnel Kimpembe, 4. Rafael Varan, 6. Pol Poqba, 7. Antuan Qrizmann, 10. Kilian Mbappe, 13. Nqolo Kante, 14. Adrien Rabyo, 18. Lukas Din, 19. Kərim Benzema.

Portuqaliya – Almaniya 2:4
Qol: K.Ronaldo, 15. D.Jota, 67 – R.Dias, 35-öz qapısına. R.Gerrero, 39-öz qapısına. K.Haverts, 51. R.Qosens, 60.
Baş hakim: Entoni Teylor (İngiltərə).
Münhen. "Alyans Arena".

Portuqaliya: 1. Rui Patrisio, 2. Nelson Semedo, 3. Pepe, 4. Ruben Dias, 5. Rafael Gerreyro, 7. Kristiano Ronaldo (k), 10. Bernardo Silva, 11. Bruno Fernandes, 13. Danilo, 14. Vilyam Karvalyo, 21. Dioqo Jota.
Almaniya: 1. Manuel Noyer (k), 2. Antonio Rüdiger, 4. Mattias Ginter, 5. Mats Hummels, 6. Yozua Kimmix, 7. Kay Haverts, 8. Toni Kroos, 10. Serj Qnabri, 20. Robin Qosens, 21. İlkay Gündoğan, 25. Tomas Müller.

Fransa – 4, Almaniya – 3, Portuqaliya – 3, Macarıstan – 1.

E qrupu

İspaniya – Polşa 1:1
Qol: A.Morata, 26 – R.Levandovski, 54.
Matçın 58-ci dəqiqəsində J.Moreno penaltidən yararlana bilməyib (dirək).
Baş hakim: Daniele Orsato (İtaliya).
Sevilya. Olimpiya stadionu.

İspaniya: 23. Unai Simon, 4. Pau Torres, 6. Markos Lyorente, 7. Alvaro Morata, 8. Koke, 9. Xerard Moreno, 16. Rodri, 18. Jordi Alba (k), 19. Dani Olmo, 24. Aymerik Laporte, 26. Pedri.
Polşa: 1. Voyçex Şesnı, 5. Yan Bednarek, 9. Robert Levandovski (k), 11. Karol Sviderski, 14. Mateuş Klix, 15. Kamil Qlik, 16. Yakub Moder, 18. Bartoş Bereşinski, 20. Pyotr Zelinski, 21. Kamil Yuzvyak, 26. Tımoteuş Puxaç.

İsveç – 4, Slovakiya – 3, İspaniya – 2, Polşa – 1.