Birləşmiş Ərəb Əmirliklərinin “Əl-Əyn” klubu baş məşqçi Ernan Krespo ilə yollarını ayırıb. Matc.az xəbər verir ki, bu barədə klubun mətbuat xidməti məlumat yayıb.

Bildirilib ki, ötən mövsüm komandanı Asiya Çempionlar Liqasının qalibi edən argentinalı mütəxəssis istefaya göndərilib. Buna səbəb komandanın son 7 görüşün 5-də məğlub olmasıdı. Asiya Çempionlar Liqasının qrup mərhələsində “Əl-Nəsr”ə 1:5 hesablı məğlubiyyət bu ayrılığı şərtləndirib.

Birləşmiş Ərəb Əmirlikləri klubu yeni baş məşqçi axtarışına başlayıb.