"İnter" 29 yaşlı yarımmüdafiəçi Nikola Barella ilə müqavilənin uzadılmasını istəyir.

Matc.az xəbər verir ki, bu barədə "TuttoMercatoWeb" məlumat yayıb.

Bildirilir ki, yarımmüdafiəçiyə 2031-ci ilə qədər əmək haqqının əhəmiyyətli dərəcədə artırılması ilə müqavilə təklif olunacaq. Onun klubla hazırkı müqaviləsi 2029-cu ilin yayında başa çatır.

Barella bu mövsüm "İnter"də bütün yarışlarda 35 oyun keçirib, 1 qol vurub və 7 məhsuldar ötürmə edib. "Transfermarkt" oyunçunu 60 milyon avro dəyərində qiymətləndirir.