Ekvadorlu cinah oyunçusu Yohan Martines karyerasını "Nyukasl"da davam etdirəcək.

Matc.az xəbər verir ki, bu barədə məlumatı Fabrisio Romano yayıb.

Bildirilir ki, 16 yaşlı futbolçunun "İndependiente del Valle"dən transferi üçün bütün sənədlər aprelin 7-də tamamlanıb.

Ekvadorlu gənc istedad 10 may 2027-ci ildən sonra, 18 yaşı tamam olduqda ingilis klubuna qoşulacaq.

O, hazırda "İndependiente del Valle"nin 20 yaşadək komandasında oynayır.

Martines Ekvadorun U-17 milli komandasında da 2 dəfə meydana çıxıb.