"Roma" ilə müqaviləsi mövsümün sonunda başa çatan Paulo Dibala qərarını verib.

Matc.az xəbər verir ki, argentinalı hücumçu klubda qalacaq. Bu barədə insayder Nikolo Skira məlumat yayıb.

Dibala paytaxt təmsilçisi ilə 1 illik sözləşmə imzalayacaq. Yeni müqavilədə 32 yaşlı futbolçunun maaşının azaldılması nəzərdə tutulub.

Qeyd edək ki, Paulo Dibala 2022-ci ilin yayından "Roma"da çıxış edir. Təcrübəli oyunçu bu mövsüm komandanın heyətində keçirdiyi 24 oyunda 3 qol vurub, 4 qol ötürməsi edib.