Kanzas-Siti ərazisinin böyük bir hissəsində tornado xəbərdarlığı verildikdən sonra İngiltərə komandasına şənbə axşamı evdə qalmaq tapşırığı verilib.

Matc.az xəbər verir ki, bu barədə məlumatı "The Athletic" paylaşıb.

Bildirilir ki, yerli vaxtla saat 20:00 radələrində İngiltərə nümayəndə heyətinin üzvləri ABŞ Milli Hava Xidmətindən telefonlarına avtomatik bildirişlər alıblar.

Mesajlarda "şiddətli tornado xəbərdarlığı" bildirilib və onlara pəncərələrdən uzaqda, qapalı məkanlarda sığınacaq axtarmaları tövsiyə edilib.

Xəbərdarlıqlar saatda 80 milə (təxminən 130 km/saat) qədər güclü külək əsmələri ilə bağlı narahatlıqlar səbəbindən irəli sürülüb.

Daha sonra elan edilib ki, turnir matçlarına hazırlaşarkən şəhərdəki bütün nümayəndə heyətinin təhlükəsizliyini təmin etmək üçün tədbirlər görülür.