Kürasao millisinin baş məşqçisi Dik Advokat DÇ-2026-nın start oyununda Almaniyadan alınan darmadağınlı məğlubiyyəti (1:7) şərh edib.

Matc.az xəbər verir ki, mütəxəssis komandasının turnirin favoritlərindən birinə qarşı mübarizə apara bilmədiyini və müdafiədə çox səhvə yol verdiyini etiraf edib:

​"Növbəti oyun tamamilə fərqli olacaq. Almaniya ilə matçda özümüzdən daha çox şey gözləyirdik. Lakin bunu nümayiş etdirə bilmədik. Çünki rəqib olduqca güclü idi. Onlara 2-3 qolu çox rahatlıqla vurmağa icazə verdik. 1:4 hesabı daha ədalətli olardı. Lakin oyun səviyyəsinə görə Almaniya bizi aşkar şəkildə üstələyirdi. Çox emosional idim? İlk növbədə ona görə ki, Kürasaodakı insanlar yenidən sevinc hissi yaşadılar. Bəlkə də bu, qismən yaşla bağlıdır. Cilovlamalı olduğum emosiyalar üzə çıxır. Hərçənd bu, mənim özümün də elə xoşuma gəlmir. Amma belə şeylər olur. Hətta 1:7 hesabında belə insanlarımız xoşbəxt idilər. Bu, bizim üçün çox şey ifadə edir".

Qeyd edək ki, Kürasao millisi dünya çempionatındakı növbəti oyununu iyunun 21-də Ekvadora qarşı keçirəcək.