Madrid "Real"ının hücumçusu Qonsalo Qarsiya İngiltərənin "Fulhem" klubuna keçə bilər.

Matc.az xəbər verir ki, bu barədə "COPE" radiosu məlumat yayıb.

Bildirilir ki, bu transfer İspaniya qrantının büdcəsinə 70 milyon avro qazandıra bilər. "Bağbanlar" 22 yaşlı hücumçu üçün məhz bu məbləği ödəməyə hazırdırlar.

Qeyd olunur ki, Premyer Liqa klubu İspaniya millisinin oyunçusunun keçidi ilə bağlı artıq razılıq əldə edib. "Real" isə futbolçunu geri satın almaq üzrə prioritet hüququnu özündə saxlayıb.

Bu transferdə "Fulhem"in baş məşqçisi, əvvəllər "Real"ı çalışdırmış Alvaro Arbeloa mühüm rol oynayıb. İspaniyalı mütəxəssis Madrid klubunun "Kastilya" və əsas komandalarında Qarsiya ilə birlikdə işləyib.

Daha əvvəl "Real"ın gənc hücumçunu buraxmaq niyyətində olmadığı bildirilirdi. "Kral klubu"nun yeni baş məşqçisi Joze Mourinyo oyunçunun komandada qalmasında şəxsən maraqlı idi.

Xatırladaq ki, Qonsalo 2025-ci ilin yayında "Real"ın əsas komandasına qoşulub. O vaxtdan bəri əsas heyətdə 51 matça çıxıb, 13 qol və beş məhsuldar ötürmə ilə yadda qalıb.

İspaniyalı hücumçunun Madrid klubu ilə hazırki müqaviləsi 2030-cu il iyunun sonuna qədər nəzərdə tutulub. "Transfermarkt" portalı onun dəyərini 30 milyon avro qiymətləndirir.