04 Avqust 2019, 21:58
DÖYÜŞ NÖVLƏRİ

Bolqarıstanın paytaxtı Sofiyada keçirilən yeniyetmə güləşçilər arasında dünya çempionatına yekun vurulub. Matc.az xəbər verir ki, Yunan-Roma güləşi üzrə Azərbaycan yığması mundialda uğurlu çıxış edib. 
 
Sofiyaya yollanan 8 güləşçidən 5-i fəxri kürsüyə qalxıb. Nihat Məmmədli (55 kq) və Laçın Vəliyev (92 kq) dünya çempionu olub. Ziya Babaşovla (48 kq) Elmir Əliyev (51 kq) gümüş, Fərid Sadıxlı (45 kq) isə bürünc medal qazanıb. 
 
Beləliklə, güləşçilərimizin uğurlu çıxışı nəticəsində millimiz 123 xalla komanda hesabında dünya ikincisi olub. İran 148 xalla birinci, Rusiya isə 99 xalla üçüncü yeri tutub.

XƏBƏRİ PAYLAŞ
  • gplus
  • pinterest