07 Sentyabr 2019, 20:29
DÖYÜŞ NÖVLƏRİ

Bolqarıstanın paytaxtı Sofiyada gənc boksçular arasında Avropa çempionatı davam edir. Matc.az xəbər verir ki, üçüncü yarış günündə Azərbaycan millisinin daha 3 üzvü rinqə çıxıb.
 
Milli üzvlərindən Rəşid Həsənov (64 kq) qitə birinciliyində ikinci döyüşünü keçirib. Debütdə Simon Vollmerə (Almaniya) qalib gələn boksçu bu dəfə isveçli Hampus Bromanla üz-üzə gəlib və məğlubiyyətə üzülüb.
 
Əzrək Bəbirovla (56 kq) Əsəd Baxşıyev (91 kq) də döyüşlərini keçiriblər. Onlar müvafiq olaraq, Selim Bouayta (Fransa) və Jumka Jaianiyə (Gürcüstan) uduzublar.
 
Qeyd edək ki, yarışda azərbaycanlı boksçulardan Murad Allahverdiyev (91 kq) sabah 1/4 final görüşünə çıxacaq. O, belaruslu Raman Kazyankovla qarşılaşacaq.

XƏBƏRİ PAYLAŞ
  • gplus
  • pinterest