UEFA Millətlər Liqası turniri çərçivəsində keçiriləcək Azərbaycan – Farer adaları oyunu ərəfəsində təşkil olunacaq mətbuat konfransları və mətbuat üçün açıq məşqlərin vaxtı dəqiqləşib. Matç.az saytı xəbər verir ki, bu tədbirlər noyabrın 17-də Bakı Olimpiya Stadionunda keçiriləcək qarşılaşmadan bir gün əvvəl baş tutacaq.

Noyabrın 16-da öncə Farer adaları milli komandasının mətbuat konfransı başlayacaq. Tədbir saat 16:30-da start götürəcək. Saat 17:00-da başlayacaq məşqin ilk 15 dəqiqəsi mətbuat üçün açıq olacaq.

Azərbaycan milli komandasının baş məşqçisi Qurban Qurbanov və bir neçə oyunçunun iştirak edəcəyi mətbuat konfransına saat 18:30-da start veriləcək. 30 dəqiqə sonra isə komandamızın son məşqçi gerçəkləşəcək. Hazırlıq prosesinin ilk 15 dəqiqəsi mətbuat üçün açıq olacaq.

Hər iki mətbuat konfransı və məşq Bakı Olimpiya Stadionunda təşkil ediləcək.