PSJ-nin yarımmüdafiəçisi Adrien Rabyo gələcəyi ilə bağlı qərarını verib. Matç.az saytının xarici mətbuata istinadən məlumatına görə, ulduz futbolçu hazırkı komandasında qalmayacaq.

Paris təmsilçisinin yeni müqavilə təklifini hər dəfə rədd edən 23 yaşlı orta sahə oyunçusu bir neçə klubun maraq dairəsində olsa da, "Barselona"nın formasını geyinmək niyyətindədi. Fransa millisinin üzvü Kataloniya klubunun rəsmiləri ilə bu barədə görüş də keçirib və tərəflər arasında ilkin razılıq əldə edilib. Onun yanvarda "Barselona" ilə ilkin müqavilə imzalaması və mövsümün sonunda İspaniyaya köçməsi gözlənilir.

Qeyd edək ki, PSJ ilə müqavilə müddəti 2019-cu ilin yayına qədər olan Adrien Rabyo bu mövsüm 16 matçda iştirak edib, 2 qol, 1 məhsuldar ötürmə ilə yadda qalıb.