22 İyun 2021, 15:42

2021/22 mövsümü üçün hazırlığını davam etdirən "Sumqayıt" klubu iyunun 17-dən etibarən Sumqayıt şəhərində məşqlərə start verib.
 
Matc.az klubun saytına istinadən xəbər verir ki, hazırlıq dönəminin birinci mərhələsi iyunun 30-dək davam edəcək. Ayxan Abbasovun yetirmələri bu müddət ərzində bir yoxlama oyununda qüvvəsini sınayacaq. "Kimyaçılar" iyunun 30-da, saat 18:30-da "Azərsun Arena"da "Qarabağ"la qarşılaşacaq.
 
"Sumqayıt" komandası hazırlıq prosesinin ikinci mərhələsini isə Türkiyənin Ankara şəhərində keçirəcək. İyulun 2-dən 16-dək Qızılcahamam bölgəsində yerləşən "çam Hotel"də məskunlaşacaq komanda bu müddət ərzində 4 yoxlama oyunu keçirməyi planlaşdırır.
 
Rəqiblərin kimliyi və oyunların zamanı hələlik məlum deyil.

XƏBƏRİ PAYLAŞ
  • gplus
  • pinterest