Topaz Premyer Liqasında çıxış edən "Səbail" və "Zirə"nin futbolçuları öz yığmalarında növbəti matçlarını keçiriblər. Matç.az saytı xəbər verir ki, çempionatımızın təmsilçiləri Moldova yığmasının Millətlər Liqasının III turunda  San-Marino üzərində qələbəsində pay sahibi olublar.

"Səbail"in üzvü Yevgeni Koçuk 2:0 hesabı ilə başa çatan görüşdə 90 dəqiqə şans qazanıb. "Zirə"nin legioneri Aleksandr Dedov ev oyununa sonradan daxil olub. O, komanda yoldaşını fasilədə əvəzləyib.

Qeyd edək ki, ilk qələbəsini qazanan Moldova xal hesabını 4-ə çatdırıb və 3-cü pillədə qərarlaşıb.