04 Aprel 2022, 21:19
TOP OYUNLARI

Bu gün kişi voleybolçular arasında Azərbaycan Yüksək Liqasında 3-cü dövrənın son turunun oyunları keçirilib. Matc.az xəbər verir ki, "Sərhədçi" İdman Olimpiya Mərkəzində təşkil olunan 15-ci turun ilk matçında liderlər - "Neftçi" və "Murov" üz-üzə gəlib. 
 
Görüşün 5 set davam edəcəyi gözlənilsə də, Fərid Cəlalovun komandası asan qələbəyə sevinib. İlk seti 25:20 hesabı ilə qalib gələn "Murov" növbəti hissələrdən də 25:23 və 25:20 hesabı ilə üstün ayrılıb – 3:0.
 
3-cü dövrənin son matçında isə "Sərhədçi" və MOİK görüşüb. MOİK rəqibini üç setdə məğlub edərək dövrəni qələbə ilə başa vurub - 3:0 (25:12, 25:14, 25:19).
 
Beləliklə, üç dövrədən sonra "Murov" 32 xalla turnir cədvəlinə liderliyini davam etdirir. Onlardan 4 xal geri qalan "Neftçi" ikinci pillədədir. Bu gün qalib gələn MOİK 21 xalla üçüncüdür. Bu turda istirahət edən "Ekspress"in 6, "Sərhədçi"nin isə 3 xalı var.

XƏBƏRİ PAYLAŞ
  • gplus
  • pinterest