Futbol üzrə İtaliya yığmasının müdafiəçisi Emerson Palmieri İngiltərənin "çelsi" klubundan ayrılıb. Matc.az xəbər verir ki, 28 yaşlı futbolçu bundan sonrakı karyerasını Premyer Liqanın digər təmsilçisi "Vest Hem"də davam etdirəcək.
Bu barədə sözügedən klublar rəsmi saytları vasitəsilə məlumat yayıblar. Braziliya əsilli italiyalının transferi "Vest Hem"ə 13 milyon avroya başa gəlib. Halbuki, "zadəganlar" bu oyunçunu 2018-ci ildə "Roma"dan 20 milyon avroya transfer etmişdilər. Sol cinah müdafiəçisi yeni klubu ilə 4 illik müqaviləyə imza atıb.
Emerson Palmieri 2018-ci ilin yanvarından formasını geyindiyi "çelsi"də bütövlükdə 71 oyuna çıxıb, 2 qol vurub. O, ötən mövsümü icarə əsasında Fransanın "Olimpik" (Lion) klubunda keçirib və 36 oyuna 1 qolla yadda qalıb. Müdafiəçi daha öncə "Roma" ilə yanaşı, "Santos" və "Palermo"da da çıxış edib. Braziliyanın U-17 yığmasında oynamış Emerson, 2018-ci ildən İtaliyanın əsas yığmasında forma geyinir. O, millidə 27 oyuna çıxıb.
"Vest Hem" öz oyunçularından Natan Trott və Tyerri Neversi də icarəyə göndərib. Trott 2022/23 mövsümünün sonuna kimi Danimarkanın "Vayle" klubunda, Nevers isə "Nyuport Kaunti"də icarədə olacaq.
Yamaykadan olan 20 yaşlı Nevers 2021-ci ilin yayında "Ridinq"dən "Vest Hem"ə transfer olunub. O, yarımmüdafiənin sol cinahında çıxış edir. Bermudadan olan Trott isə qapıçıdır. 23 yaşlı qolkiper 2016-cı ildən "Vest Hem"dədir. O, əvvəlki mövsümlərdə "AFC Uimbldon" və "Nansi"də də icarədə olub.
XƏBƏRİ PAYLAŞ
Xəbərlər
Ançelotti Kurtuanın son durumunu açıqladı
İPL-də yeni sponsor
İngiltərənin DÇ-də iştirakı qadağan oluna
Finalçılar müəyyənləşib
"Bayer 04" dən "Bavariya"ya
"O, qalmaqla düzgün qərar verib"
"Çelsi"də itki
“Barselona”nı çox sevirəm" - Xavi
AFFA-da Premyer Liqa klublarına seminar
“Milan”ın fransızlarına nəhənglərin marağı
La Liqa oyunları ABŞ-da keçirilə
