29 Avqust 2022, 10:46

İndiyədək 16 dəfə bir komanda ilk dörd qarşılaşmada 12 xal toplamışdı. Cari mövsüm qeydə alınan qələbə seriyası 17-ci olub.

"Sabah" Misli Premyer Liqasının startında ardıcıl 4-cü qələbəsini qazanıb. Matc.az xəbər verir ki, Murad Musayevin yetirmələri IV turda "Qəbələ" ilə görüşüb. Səfərdə 2:0 hesabı ilə qalib gələn Bakı klubu bununla da xal hesabını 12-yə çatdırıb.
 
Bu, "Sabah"ın tarixində startdakı ilk belə seriyadır. Paytaxt təmsilçisi ölkə çempionatlarına 4 qələbə ilə başlamağı bacaran 9-cu komanda olub.
Bunadək 8 komanda mövsümün ilk 4 matçında xal itirməyib. Bunlar "Neftçi", "Qarabağ", "Şəmkir", "Xəzər Lənkəran", "Şəfa", "Xəzri", "Kəpəz" və AZAL-dır.
 
İndiyədək 16 dəfə bir komanda ilk dörd qarşılaşmada 12 xal toplamışdı. Cari mövsüm qeydə alınan qələbə seriyası 17-ci olub.

XƏBƏRİ PAYLAŞ
  • gplus
  • pinterest