İspaniyanın Malaqa şəhərində mayın 18-də və 19-da gənclər arasında cüdo üzrə Avropa Kuboku keçiriləcək. 

Matc.az Azərbaycan Cüdo Federasiyasına istinadən xəbər verir ki, mötəbər yarışda millimiz 7 çəki dərəcəsində 14 cüdoçu ilə təmsil olunacaq.

Turnirdə 21 ölkədən 351 idmançı iştirak edəcək.

Qeyd edək ki, gənclərdən ibarət yığmanın baş məşqçisi Elxan Məmmədov və yığmanın məşqçisi Elxan Rəcəbli rəhbərlik edəcəyi cüdoçularımız 20-22 may tarixlərində Malaqada təşkil olunacaq beynəlxalq təlim-məşq toplanışına da qatılacaqlar.