Türkiyə millisi bir turnirdə ən çox vərəqə alaraq Avropa çempionatlarının antirekordunu yeniləyib.

Matc.az xəbər verir ki, “ay-ulduzlular” AVRO-2024-də keçirdikləri 5 oyunda 20 sarı və 1 qırmızı vərəqə ilə cəzalanıblar.

Onlar AVRO-96-da Çexiya millisinin göstəricisini geridə qoyublar. Çexlər 28 il əvvəl 19 sarı və 1 qırmızı vərəqə alıb.

Türkiyə yığması qrup mərhələsində 16 sarı (Gürcüstan - 2, Portuqaliya - 3, Çexiya – 11), 1/8 finalda 2 sarı (Avstriya), 1/4 finalda isə 2 sarı və 1 qırmızı vərəqə (Niderland) ilə cəzalandırılıb.

Qeyd edək ki, Türkiyə yığması 1/4 finalda Niderlanda 1:2 hesabı ilə uduzaraq, Avropa çempionatı ilə vidalaşıb.