Paris-2024 Yay Olimpiya Oyunları satılan biletlərin sayına görə rekorda imza atıb. Matc.az xəbər verir ki, bu barədə təşkilat komitəsinin rəhbəri Toni Estanq açıqlama verib.

“Rekord Atlantadakı Oyunlara məxsus idi - 8,3 milyon bilet. Bir müddət əvvəl bu rəqəmi keçdik. Olimpiada üçün 8,6 milyon, Paralimpiada üçün isə 1 milyondan çox bilet satdıq. Fəxr edirik ki, artıq rekordu qırmışıq, lakin hələ də daha çox şeyə nail ola bilərik”.

Qeyd edək ki, olimpiada iyulun 26-dan avqustun 11-dək, Paralimpiada isə avqustun 28-dən sentyabrın 8-dək keçiriləcək.