Paris-2024 Olimpiadasının açılış mərasimində neytral idmançılar paradda iştirak etməyəcəklər. Matc.az xəbər verir ki, bu barədə Beynəlxalq Olimpiya Komitəsi (BOK) məlumat yayıb.

Rusiyanın 15, Belarusun isə 16 idmançısı Olimpiya Oyunlarında neytral statusda yarışacaq.

Rusiyadan neytral idmançıların siyahısına Tamara Dronova, Alena İvançenko, Qleb Syuritsa (hamısı velosiped), Anjela Bladtseva (batut), Daniil Medvedev, Roman Safiullin, Yekaterina Aleksandrova, Mirra Andreeva, Pavel Kotov, Diana Şnayder, Yelena Vesnina (hamısı tennis), Zaxar Petrov, Aleksey Korovaşkov, Olesya Romasenko (hamısı kayak və kanoe) və Yevgeni Somov (üzgüçülük) daxil edilib.