“Aston Villa”nın yarımmüdafiəçisi Musa Diabi Səudiyyə Ərəbistanına köçəcək. Matc.az xəbər verir ki, bu barədə tanınmış insayder Fabritsio Romano paylaşım edib.

Fransa millisinin hücumameyilli oyunçusu “Əl-İttihad”la anlaşıb. Artıq klublar arasında da razılıq əldə olunub. İngiltərə təmsilçisi bu transferə görə bonuslar da daxil olmaqla 60 milyon avro qazanacaq. Diabi “Əl-İttihad”la 5 illik müqavilə bağlayacaq.

Ərəblər “Mançester Siti”nin qapıçısı Edersonu da transfer etmək üçün danışıqları davam etdirir. Premyer Liqa nəhənginin bu keçiddən təxminən 60 milyon avroluq gəlir əldə etməsi gözlənilir.