Fransanın paytaxtı Parisdə keçirilən 2024-cü il Yay Olimpiya Oyunlarında futbol üzrə növbəti finalçı müəyyənləşib.

Matc.az xəbər verir ki, yarımfinal mərhələsində Fransa Misirlə üz-üzə gəlib.

Oyunun əsas vaxtı 1:1 hesabı ilə sona çatıb. Əlavə edilmiş birinci hissənin əvvəlində Misir azlıqda qalıb. Fransa millisi bu üstünlükdən istifadə edərək daha iki qol vurub və finala vəsiqə qazanıb.

Finalda Fransa İspaniya ilə, üçüncülük uğrunda görüşdə isə Misir Mərakeşlə qarşılaşacaq.

Qeyd edək ki, üçüncülük matçı 8 avqustda Nantda, final görüşü isə 9 avqust tarixində Parisdə keçiriləcək.