"Millətlər Liqası kiçik ölkələrə böyük şans vermək baxımından yaxşı məna daşıyıq". Matç.az saytının məlumatına görə, bunu keçmiş SSRİ yığmasının futbolçusu Vitali Şevçenko deyib.

Rusiya mətbuatına müsahibə verən "Neftçi"nin sabiq hücumçusu UEFA Millətlər Liqası barədə fikirlərini bildirib.

"Liverpul"un baş məşqçisi Yurgen Kloppun bu turnirlə bağlı fikirlərinə toxunan Şevçenko onunla razılaşmadığını söyləyib: "UEFA-nın bu turniri yaratmaqda məqsədi mükəmməl olan futbolun daha da populyarlaşmasına zəmin formalaşdırmaqdı. Bu turnir olmasaydı, Ermənistan və Azərbaycan Avropa çempionatının final mərhələsinə iddia edə bilərdimi? Əlbəttə ki, xeyr. Komandalar burda uğurlu nəticə üçün mübarizə aparırlar. Bunun nəyi pisdi?"

Qeyd edək ki, Vitali Şevçenko 1968-1972-ci illərdə "Neftçi"nin formasını geyinib.