Kriştiano Ronaldo qollarının sayını bir qədər də artırıb. 

Matc.az xəbər verir ki, portuqaliyalı forvard bu dəfə Səudiyyə Ərəbistanı çempionatında fərqlənib. 

"Əl-Nəsr"in hücumçusu "Damak"a qarşı keçirilən oyunda dubl etməklə komandasına qələbə qazandırıb. Ronaldo 17-ci dəqiqədə penaltidən hesabı açıb. 79-cu dəqiqədə isə 39 yaşlı forvard matçın yekun nəticəsini müəyyənləşdirib - 2:0.

Bununla da Ronaldo qollarının sayını 915-ə çatdırıb. 

Qeyd edək ki, Kriştiano Ronaldo daha əvvəl hədəfinin 1000 qola çatmaq olduğunu bildirib.