Misli Premyer Liqasının XV turunun "Neftçi" – "Qarabağ" oyunundan (0:3) sonra "ağ-qaralar"ın baş məşqçisi Samir Abasov mətbuat konfransında iştirak edib.

Misli Premyer Liqasının XV turunun "Neftçi" – "Qarabağ" oyunundan (0:3) sonra "ağ-qaralar"ın baş məşqçisi Samir Abasov mətbuat konfransında iştirak edib.

Matc.az xəbər verir ki, o, jurnalistlərin suallarını cavablandırıb.

- "Neftçi"də hansı nəticə sizin üçün uğur sayılacaq? Bu gün gördüyümüz futbolçuların maksimum potensialı budur?
- Potensialdan danışmaq istəmirəm. İşin başlanğıcındayıq. Əgər "Neftçi"nin baş məşqçisi, futbolçususansa, bu cür oyunlarla sənə qiymət verilir. Futbolçuların bir oyunla ölçmək istəmirəm. Görüləcək işimiz və bu cür oyunlar çox olacaq. Qarşıma qoyulan "Neftçi"nin hədəfləridir. Hədəflərimiz yüksəkdir. Ona doğru getməyə çalışacağıq. Görəcəyimiz iş çoxdur. Bura gəlməmişdən əvvəl komadandada ruh düşkünlüyü önə çıxırdı. Görünməyən və bilmədiyiniz problemlər çoxdur. Futbolçularda inkişaf görünür. Əhval-ruhiyyə yaxşıya doğru gedir. Bu gün üzücüdür. Ümid çox idi. Atmosfer də yaxşı idi. Bunu azarkeşlərimiz etmişdi. Sağolsunlar.

- Ramil Şeydayevin faydalı iş əmsalı sizi qane edir?
- Üzrlü hesab edin, tək-tək futbolçuları soruşsaz, cavab verməyəcəm. Futbolçuları bölmək istəmirəm. Siz sezdiyinizdən, gördüyünüzdən daha problemli məsələlər gördüm. O məni narahat edir. Sırf bəzi futbolçularla bağlıdır. Bu, məni çox narahat etdi. Üzərində dayanacağıq. Mediada müzakirə olunan futbolçular haqda danışmaq istəmirəm.

- "Neftçi" hücum xəttində istəkli görünmürdü. Sizcə, komandada taktiki gedişatlarda problem var idi, yoxsa oyunçular tapşırıqları yerinə yetirmədi?
- Çox istəkli idik. Son paslarda, son nöqtəni qoymaqda çatışmazlıqlar var idi. Biz də əks-hücuma yaxşı çıxmağa çalışırdıq. Fasilədə bildirdiyim irad o idi ki, son nöqtədə ürəyini qoymalısan. Epizoda girə bilirdik. Əfsuslar olsun ki, son nöqtələri qoya bilmədik. Bu da sırf psixoloji durumla bağlıdır. Futbolçularım həmin anlarda rahat deyildi. Bu, məni narahat edirdi. Belə qol buraxmalı deyildik. İlk qoldan danışmaq istəmirəm. İkinci hissədə komanda kimi belə reaksiya verməli deyildik.

- Necə düşünürsüz, avrokuboklara getməyin ən asan yolu, liqadır, yoxsa kubok?
- Kubokda da şansımız var. Amma bu, o demək deyil ki, liqanı boşa verəcəyik. Dörd gündən sonra kubok matçımız var. Hər liqa oyunu bizi avrokuboklara daşıyacaq. Bu istəklə meydana çıxacağıq. Bu gün hesab məni üzdü. Bunu kənara atıb, kubokdan yapışası deyilik. Kubokdan yol asan görünə bilər. Amma kubok 1-2 oyundan ibarətdir. Sona qədər gedəcəyik.

- Qarşıdakı turda "Sumqayıt"la qarşılaşacaqsız. Hansı ab-havanı gözləyirsiz?
- Ab-havanı "Neftçi" özü yaradır. "Neftçi" hansı səfərə gedirsə, azarkeş sayı birə-beş qalxır. Ab-hava da normal bir şeydir. Bu "Neftçi"nin adı ilə bağlıdır. İnanıram ki, bu ab-havaya yaxın atmosfer olacaq.

- "Qarabağ" ikinci heyəti ilə "Neftçi" qarşısına çıxmışdı. Bu heyətə 0:3 uduzursuzsa, bəlkə əvəzedici heyətlə çempionata davam edəsiz? Liderdən 24, ikinci yerdən 23 xal geridəsiz... Kubok üçün daha yaxşı heyət formalaşdırmaq yaxşı olmaz?
- Nə edirsənsə-et bu heyətdən nəsə formalaşdırmalısan. Bu 20 futbolçunun içindən heyət formalaşdırmalıyıq. Bura gələndə bilirdik kimlərlə, hansı futbol oynayacağıq. Bunlar getsin, digərləri gəlsin deyə bir şey yoxdur. Bu cür şeyləri göz qabağına almışdıq. Bilirəm ki, hamı üzülüb. Mənim sözlərim onlara dərman deyil. Vəziyyəti soyuqqanlı analiz etməliyik. Kimisə ataq, onu çıxaraq, bu belə oynadı, o elə oynadı.. Belə olmayacaq. 

- Qışda hansı mövqelərə transfer edəcəksiz?
- Öz aramızda danışırıq. Hansı tip futbolçu istədiyimizi götür-qoy edirik. Elə mövqelər var ki, liqamızda həmin mövqeyə o cür futbolçu lazımdır. Həmin futbolçunu tapacağıq, gətirə biləcəyik, onu danışacağıq. 

- Mətbuat konfransı elə danışdız ki, sanki bütün məğlubiyyətin səbəbkarı futbolçular idi. Bu, futbolçulara mesajdı? Ramil Şeydayev "Qarabağ"ın sabiq futbolçusudur və müdafiəçiləri daha yaxşı tanıyır onu. Başqa hücumçu ilə başlamaq olmazdı? 
- Sizin şəxsi fikrinizdisə, normaldır. Ramil Şeydayev "Qarabağ"dan gəlib, oynamayacaq deyə, var belə şey? Digər hücumçulara gəldikdə, Darbo var. O, bu gün oyunçu olaraq ehtiyatda oturmuşdu. Heyətdən çıxarmaq istəmədik. Darbo oyuna çıxası vəziyyətdə deyildi. Zədədən sonra qayıtmışdı. Ağadadaş Salyanski, Yeqor Boqomolskiyə gəldikdə... Olsun da, bəlkə səhv seçim idi. Qəbul etmirəm. Ramil Şeydayev bu gün çox xeyir verməyə can atırdı. Özünü də bəlkə "Qarabağ"a sübut etməyə can atırdı. Təhlükəli epizodlarda da Ramil idi. "Qarabağ"ın müdafiəçiləri Ramili bu qədər tanıyırsa, onu necə buraxdılar?

- Adətən derbidə məğlub olan tərəf daha çox aqresivlik göstərir, qırmızı vərəqəni də gözə alıb, sərtlik göstərirlər. Amma sanki “Neftçi” futbolçuları vəziyyətdən narahat deyildi...
- Bizim komanda bu gün tam başqa ab-havada çıxmışdı oyuna. Bilirdik ki, oyunun içində çətinliklıər yaranacaq. Nə qədər desələr, ikinci heyətdir. "Qarabağ"a qarşı oynayırdıq. Bu çətinliklərlə qarşılaşacağıq. Oyun qurmuşduq. Oyun başlayandan yaxşı tərəflərini görməyə başlamışdıq. Özünəinam futbolçularda yarananda qol buraxdıq. Qolu "Qarabağ"dan buraxırsansa, futbolçulara təsir edir. İkinci hissədə çalışdıq ki, bəzi şeyləri danışdıq, amma əfsuslar olsun ki, öz shvimizdən sonra... Rzanın pis çıxarışından sonra qapımızda qol gördük. Onu da səhvə bağlayıram. İstəməzdim ki, ondan sonra çirkin futbola dönüşsün. Uduzsaq da, ən azından tapşırıqları məşqlərdə etdiklərimizi, o tempi qoruyub-saxlasınlar ki, bu gün uduzsaq da, ən azından bunu çıxaraq ki, sonrakı oyunlarda bu bizə kömək olsun. Hansısa futbolçu getsin rəqibi sındırsın. Bu yaxşı hal deyil. O aqresivliyin arxasında nələr başlayacaq ki, Velkovski futbolu bitirmişdi. Mən baş məşqçi oalaraq, necə yön verim? Aqressiv olamlısan, istəkli olmalısız... İllah ki, uduzursan, sındır kart al, bunu biz edə bilmərik.