“Palmeyras” Viktor Reisi “Mançester Siti”yə satmağa razıdı. Matc.az xəbər verir ki, Braziliya klubu 18 yaşlı müdafiəçini yaydan tez göndərməyin əleyhinədi.

San-Paulo klubu iyunun 15-dən iyulun 13-dək ABŞ-da keçiriləcək klublararası dünya çempionatının sonunda Reisi “şəhərlilər”ə satmağı üstün tutur. Halbuki İngiltərə nəhəngi gənc oyunçunu bu ay heyətinə cəlb etməyə çalışır. Reisin özü ilə şəxsi müqavilə də razılaşdırılıb.

“Mançester Siti” Reis üçün “Palmeyras”a 33 milyon funt-sterlinq ödəməyə hazırdı.