"Spartak" və "Fənərbaxça" mərkəz müdafiəçisi Aleksandr Djikunun transferi ilə bağlı razılığa gəlib.

Matc.az xəbər verir ki, bu barədə məlumatı "HypeFener" paylaşıb.

Bildirilir ki, hazırda futbolçunun şəxsi müqaviləsinin şərtləri ilə bağlı danışıqlar aparılır.

Daha əvvəl mətbuatda Moskva klubunun 31 yaşlı futbolçunun transferi üçün "Fənərbaxça"ya 4 milyon avro təklif etdiyi barədə məlumatlar yayılmışdı.

Qeyd edək ki, Djiku 2023-cü ilin yayından Türkiyə klubunda çıxış edir. Bu müddət ərzində müdafiəçi bütün turnirlərdə 75 matçda iştirak edib, 4 qol vurub və 2 məhsuldar ötürmə edib.

Futbolçunun klubla hazırkı müqaviləsi 2026-cı ilin yayına qədər qüvvədədir. "Transfermarkt" portalında futbolçunun dəyəri 6,5 milyon avrodur.