“Mançester Siti” “Real”ın gənc istedadı Arda Gülərin transferini nəzərdən keçirir.

Matc.az xəbər verir ki, İngiltərə klubu türkiyəli hücumameyilli yarımmüdafiəçinin mümkün keçidi üçün 100 milyon avro ödəməyə hazırdır. Bu barədə "Fichajes" nəşri məlumat yayıb.

Mənbənin məlumatına əsasən, “Mançester Siti”nin baş məşqçisi Pep Qvardiola Gülerin özünün taktiki sisteminə ideal şəkildə uyğunlaşacağına inanır. Lakin Xabi Alonso ilə birlikdə 20 yaşlı futbolçu “Real”ın əsas oyunçularından biridir və komandanın layihəsində əvəzolunmaz element sayılır. Onun Madrid klubu ilə qüvvədə olan müqaviləsi 30 iyun 2029-cu ilə qədərdir.

"Transfermarkt" portalının məlumatına görə, Arda Gülerin hazırkı bazar dəyəri 60 milyon avrodur.