Afrika Millətlər Kubokunun 1/4 finalın ilk oyunu keçirilib.

Matc.az xəbər verir ki, Seneqal Malini minimal hesabla məğlub edərək yarımfinala vəsiqə qazanıb.

Qarşılaşmanın yeganə qolunu 27-ci dəqiqədə "Everton"un hücumçusu İliman Ndiaye vurub.

Qeyd edək ki, Mali ikinci hissəni on nəfərlə başa vurub. Matçın 45+3-cü dəqiqəsində "Tottenhem"in yarımmüdafiəçisi İv Bissuma ikinci sarı vərəqə alaraq meydandan qovulub.

Seneqal yarımfinalda Fil Dişi Sahili və Misir matçının qalibi ilə qarşılaşacaq.