Avropa Liqasının qrup mərhələsinin II turu "Qarabağ" üçün tarixi əhəmiyyət kəsb edir. Matç.az saytı xəbər verir ki, Ağdam təmsilçisi qitə miqyaslı turnirlərdə 100-cü matçına çıxacaq.
İngiltərənin "Arsenal" klubu ilə oktyabrın 4-də keçiriləcək qarşılaşmayadək təmsilçimiz 99 avrokubok görüşünə çıxıb. Bu oyunlarda 35 qələbəsi olan "Qarabağ" 27 heç-heçə edib və 37 dəfə uduzub.
Ağdamlıların avrokuboklarda debütü 1996/97 mövsümünə təsadüf edib. Kuboklar Kubokunun təsnifat mərhələsinə qatılan təmsilçimiz evdə keçirdiyi ilk oyunda "MüPA"ya uduzub – 0:1. Bu matç 1996-cı il avqustun 8-də baş tutub.
Arxada qalan 22 ildən artıq müddətdə "Qarabağ" mümkün olan bütün turnirlərdə iştirak edib. Altıqat Azərbaycan çempionu çempionlar Liqası, indi Avropa Liqası adlanan əvvəlki UEFA kuboku, həmçinin artıq mövcud olmayan Kuboklar kuboku və İntertoto kubokunda da qüvvəsini sınayıb.
Qeyd edək ki, "Arsenal"la Bakı Olimpiya Stadionundakı matç həm də 50-ci ev oyunu olacaq. öz meydanında 49 görüşə çıxan "Qarabağ" 20 qələbə qazanıb, 14 heç-heçə edib və 15 dəfə uduzub.
çempionlar Liqası |
30 |
11 |
11 |
8 |
29-25 |
Avropa Liqası |
61 |
23 |
15 |
23 |
64-72 |
Kuboklar Kuboku |
4 |
0 |
1 |
3 |
1-12 |
İntertoto Kuboku |
4 |
1 |
0 |
3 |
2-11 |
Cəmi |
99 |
35 |
27 |
37 |
96-120 |
Evdə |
49 |
20 |
14 |
15 |
56-41 |
Səfərdə |
50 |
15 |
13 |
22 |
40-79 |