Səudiyyə Ərəbistanının "Əl-Əhli" komandası Asiya Çempionlar Liqasının finalında Yaponiyanın "Maçida Zelviya" komandasını məğlub edərək çempion olub.

Matc.az xəbər verir ki, həlledici qarşılaşma ötən gün Ciddədə baş tutub.

"Əl-Əhli"nin 68-ci dəqiqədə qırmızı vərəqə almasına baxmayaraq, əsas vaxt qolsuz başa çatıb. Oyun əlavə vaxtında və Səudiyyə klubu azlıqda olmasına baxmayaraq qələbə qazanıb. Görüşün yeganə qolunu 96-cı dəqiqədə Firas Əl-Buraikan vurub.

Beləliklə, "Əl-Əhli" çempionluq titulunu qoruyaraq ardıcıl ikinci dəfə kuboka sahib olub. Keçən mövsüm "Əl-Əhli" finalda Yaponiyanın "Kavasaki Frontale" komandasına qalib gəlmişdi.