Sərbəst güləş üzrə gənclərdən ibarət Azərbaycan yığması ölkə xaricində təlim-məşq toplanışına başlayıb. Matc.az xəbər verir ki, dünəndən Yaponiyanın Komatsu şəhərində hazırlıqlara başlayan millimiz yerli komanda ilə birgə məşq edir.

Məşqçilər Arif Abdullayev və Nazim Əlicanovun rəhbərliyi altında təlim-məşq toplanışında İslam Bazarqanov, Mahir Məmmədzadə (hər ikisi 57 kq), Əsgər Məmmədəliyev (61 kq), Turan Bayramov (65 kq), Davud İbrahimov, Əşrəf Aşurov (hər ikisi 70 kq), İsmayıl Abdullayev (74 kq), Rəşad Yusifli (79 kq), Asxab Həmzətov (92 kq) və İslam Abuyev (125 kq) iştirak edir.

Yaponiya hazırlığı iyulun 17-dək davam edəcək.