Fransa millisinin futbolçusu Antuan Qrizmannın "Atletiko"dan "Barselona"ya keçidi ilə bağlı araşdırma başlanıb. Matc.az xəbər verir ki, İspaniya Kral Futbol Federasiyası Kataloniya təmsilçisinin oyunçu ilə danışıqları qaydalar çərçivəsində aparıb-aparmadığını müəyyənləşdirməyi zəruri sayıb. Buna "Atletiko" rəhbərliyinin quruma şikayət etməsi səbəb olub. Madrid klubu "Barselona"nın futbolçu ilə qaydalarla icazə verilən vaxtdan əvvəl danışığa başlamasından narazıdı.

Məhz bu səbəbdən 28 yaşlı futbolçunun keçidi 200 milyon deyil, 120 milyon avroya başa gəlib. "Atletiko" da həmin 80 milyonun verilməsi tələbini irəli sürüb.

Qeyd edək ki, 2014-cü ildən "Atletiko"da çıxış edən Qrizmann bu müddətdə 180 oyuna 94 qol vurub.