"Əvvəla üzr istəyirəm. Paltardəyişmə otağı yaxın idi. Sizin qarşınızda belə şey olmamalı idi". Matc.az saytının məlumatına görə, bunu "Sumqayıt"ın baş məşqçisi Ayxan Abbasov deyib.
 
Topaz Premyer Liqasının XVII turunda "Keşlə"nin qonağı olan "kimyaçılar" səfərdən əliboş dönüb - 1:2.
 
Oyunsonrası mətbuat konfransına əsəbi halda gələn Abbasovu hətta klub prezidenti Riad Rəfiyev də sakitləşdirə bilmirdi. Əvvəlcə "mümkün deyil" deyən Abbasovun istefa verməsi gözlənilirdi. O, bu fikirləri səsləndirib: "Uşaqlar yaxşı hazırlaşmışdı. Qələbə qazanmaq istəyirdik. Bilirdik ki, məğlubiyyət işimizi çətinləşdirəcəkdi. Rəhbərliklə görüşümüz olacaq".
 
- Görüş nədən ibarət olacaq?
- Bəzi şeylər dəyişməlidi. Əgər avrokuboka getmək istəyiriksə, dəyişilməlidi. Bu baş verməsə, yəqin ki, bu klubda olmayacam.
 
- Legioner istəyirsiniz?
- Təkcə legioner söhbəti deyil. Azarkeş qələbə, avrokuboka getmək istəyir. Görürsünüz ki, çətindi. Bizim də səhvimiz olub. Hamımızın səhvi var. Yaxşı hazırlaşmışdıq, çox şey gözləyirdik. Futbolda bəzi qaydalar var, bunu heç kim pozmamalıdı.
 
- Penalti epizodu barədə nə deyə bilərsiniz?
- Epizodu görmədim.

XƏBƏRİ PAYLAŞ
  • gplus
  • pinterest